Liefdes en meer November 23, 2009

Blykbaar is ek die enigste een wat dit nie weet nie. Vir die wat dit ook nog nie weet nie: Oubaas se dogter is verlief of Faffa! Ons het onlangs verneem van n baie
interresante paartjie in die bekende-wereld. Zetske van Pletzen beter
bekend as Kara van Binnelanders en Altus Theart beter bekend as Faffa van
Getroud met Rugby is die nuwe “in” paartjie. Zetske het roem in haar
are, sy is die dogter van Pierre van Pletzen, beter bekend as Oubaas van
7de Laan en die Aktrise Elzette Maarschalk se dogter. Nou gaan sy n akteur
man ook kry. Ons glo hier kom nog n generasie van akteurs.

Gerrie Pretorius het die afgelope week n oulike bemarkingstrategie bekend
gestel. As jy sy nuwe cd koop kan jy n oorsese reis wen en as jy wil, kan
jy hom saam vat. Hy erken self sy cd verkoop soos pannekoek by n kerkbasaar
en nou weet ons hoekom. Ons wonder net hoe die dames hul mans gaan oorreed
om by die huis te bly om plek te maak vir Gerrie.

Kurt Darren het sy stem by Nataniël, Casper de Vries en Dowwe Dolla gevoeg
en ook n opname gemaak vir Garmin se GPS. Nou kan Kurt vir jou vertel
presies waar jy moet wees as jy die pad duister geraak het.

Amanda Strydom het amper haar vliegtuig misgeloop oppad Nederland toe die
week. Sy het gedink haar vlug is Dinsdag en het nog lekker by die huis rond
gehang op Maandag, toe haar agent in Holland haar skakel en haar n veilige
vlug toewens en haar opgewondenheid uitspreek om haar die volgende dag by
die lughawe te gaan optel. Binne n paar uur is Amanda weg Nederland toe.

Chris Chameleon wat ook in die buiteland toer het besef weg neem etes nie
vir almal is nie. Chris wat n gesondheidsfundie is, het by n bekende
eetplek wegneem etes gaan koop wat hom baie siek gemaak het. Hy het seer
lyf, sensitiewe vel en hoof pyn gehad na die ete. Van nou af sal hy meer
versigtig wees wat hy eet.

Ook geluk aan Stefan van Flip a Coin wat die naweek getrou het. Mag julle baie gelukkig wees!

Stropie toekennings November 16, 2009

Elke jaar gee ek Stropies uit vir bekendes. Hierdie jaar het ek besluit om ander se insig oor te gebruik en daarom gaan ons stem….

Die afdelings is:

Beste manlike kunstenaar
Beste vroulike kunstenaar
Beste akteur
Beste aktrise
Bes gekleede manlik
Swaks gekleede manlik
Bes gekleede vroulik
Swaks gekleede vroulik
Nuusmaker van die jaar
Nuweling van die jaar
Liedjie van die jaar
Mees ‘overplayed’ lied van die jaar.
Soapie van die jaar
TV program van die jaar

So begin stem sommer hier of op facebook groep… http://www.facebook.com/groups.php?ref=sb#/group.php?gid=154510556367

Motorongeluk, kitaarlesse en Kurt se poets November 15, 2009

Die aktrise Clerissa Bester beter bekend as die nuwe
joernalis, Elsabe in 7de laan is die afgelope week ernstig beseer in n
motorbotsing. Haar twee dogters 9 en 2 jaar is ook beseer in die ongeluk.
Haar
motor het op n skerp draai gebots met n aankomende motor en die drywer van
die
ander motor is op die toneel oorlede. Daar is nog geen verder nuus oor die
voorval nie.

Romanz het onlangs n lied opgeneem met die naam van Journey
of Hope. Die lied is deur n liedjie skrywer van George, Adri van
Nieuwenhuizen geskryf spesiaal vir die
jaarlikse Journey of Hope.. Journey of Hope is die jaarlikse instelling
waar 15
borskanker oorwinnaars op motorfietse ry van Kaapstad tot in Johannesburg.
Adri
het self herstel van borskanker. Hulle
hoop die lied wat ook op hul cd gaan verskyn sal vroue hoop gee op hul pad
na
herstel.

Vir die wat gewonder het, die nuwe aanbieder van Gliterati, Gilliam
Winckler, is wel Heinz Winkler se broer. Hy het al verskyning gemaak in die
volgende reekse:

-Binnelanders
-Fotostories
-7de Laan
-Egoli
-Jozi Streets
-The Res
Hy is tans ‘n onderwyser by Hyde Park High waar hy ook rugby afrig.

Matthys Roets het besluit om
sy twee seuns vroeg te begin kweek vir die musiek bedryf en die tweetjies
het
hierdie week n kitaar gekry en het begin met kitaarlesse.

Karlien Husselman moes
Woensdag vir haar n nuwe bakkie gaan koop om haar musiek mee aan te ry. Die
sangeres sukkel al van Augustus af met n stukkende toer bus en die bus het
finaal die gees gegee. Karlien se familie en vriende het hand bygesit en
geld
bymekaar gemaak om haar te help om n bakkie te kry sodat sy by haar
vertonings
kan uitkom.

Cheree Large het die afgelope
week Bay FM bedank wat eerste 6 liedjies van haar nuwe cd gelaai het. Sy
wag
nog vir terug voer van ander radio stasies, so weereens, loop Bay FM voor
en
die ander radio stasies volg.

Kurt Darren is die afgelope
week die slagoffer geword van die nuwe groep wat hulself die Rainbow
Skellums
noem. Kurt het gestaan en golf speel toe n helikopter om die golfbaan begin
sirkel. N Hele paar sekuriteits wagte het toe op hom afgepeil gekom en hom
n
foto van sy motor gewys. Hy het bevestig dis sy motor en hul het hom
meegedeel
hy ry n gesteelde motor. Die wagte wou Kurt met alle mag boei, maar Kurt
het
geweier en met sy golfstok beduie dis nie n goeie idee nie. Na n hele paar
benoude oomblikke het hul
egter vir hom vertel hy is een van hul slagoffers vir hul nuutste fliek wat
einde Desember landwyd beskikbaar sal wees.

Verjaarsdae vir die week

16de – Anke Pietrangeli
17de – Ryk Neethling
18de – Pieter Rademeyer, Ruda Landman
19de – Riaan Grobler

Ek wens julle n aksiebelaaide week
voor.

Troues, egskeidings en skandes November 8, 2009

Die week was daar meestal gefokus in die media oor die nagevolge oor Joost
se groot bekentenis dat dit wel hy was in die sogenade seks video. Intussen
het die gewese atleet Charmaine Weavers erken dat dit sy was wat n
verhouding met Joost gehad het gedurende altwee sy huwelike. Amor het laat
weet dat sy nog steeds by Joost staan al is haar hart uitgeruk.

Nog iets wat die media vol was, is die hofsaak tussen Robbie Klay en Jurie
Els. Robbie se regstpan het aangevra dat sy getuienis in n toe hof geskiet,
maar die regter het gese as Robbie mans genoeg was om media toe te gaan met
die storie, moet hy mans genoeg wees om te getuig in n oop hof. Die
getuienis wat Robbie sover gegee het, is baie grafies en nie geskik om hier
bespreek te word nie.

Juanita du Plessis is in n woordewisseling met Eurovision betrokke. Haar
lied, n Ewigheid, is volgens Eurovision geskryf deur Bobby Ljunggren,
Hendrik Wikstoran en Thomas Gïson. Volgens Eurovision se verteenwoordiger
het Juanita nie erkenning aan die komponiste gegee nie en dit net vertaal.
Juanita het egter gese dat sy wel regte gekry het om die lied op te neem
maar nie op daai stadium geweet het wie die lied geskryf het nie. Die saak
is egter intussen reggestel en die regte mense is wel betaal.

Carike Keuzenkamp wat al twee keer op die stel van Egoli verskyn het, het
haarself gate uit geniet toe sy op die stel was tussen die Egoli akteurs om
Bertie, gespeel deur die akteur Hennie Smit te verras. Sy het net half
minuut verskyn in die sepie, maar toe sy opdaag op stel, was daar n
aantrekkamer met haar naam op die deur vir haar gereed, plus n bos blomme
en n bak vol vrugte. Hulle het haar soos die grootste ster laat voel!

Lee-Ann Liebenberg het n nuwe man in haar lewe. Sy naam is Nicky van der
Walt en is n ou liefde van voormalige Mej Suid Afrika, Claudia Henkel.
Mense wat dink dit is baie gou na sy en Danny K opgebreek het, het sy
gerusgestel dat sy en Danny al n hele ruk uitmekaar is maar het dit eers n
paar weke gelede amptelik bekend gemaak.

Elma Postma en Boer soek n Vrou boer, JP is onlangs hand aan hand in n
winkelsentrum raak geloop. Dit het gerugte dat hulle saam is weer laat vlam
vat. Elma het erken dat hul wel saam in die winkel was maar is seker dat
hulle nie hande vas gehou het nie. Hulle is net vriende volgens haar.

Nog n nuwe paartjie is Loyiso Bala en Jennifer Odjidja. Jennifer het
onlangs van Londen terug gekeer en is so geheimsinnig dat sy nie aanvanklik
haar van wou bekend maak aan die media nie.

NKD staan nie meer vir Nicky, Kesha en Deidre nie. Want Nicky is drie
maande gelede weg uit die groep.Nicky en haar kerel, Johan Wolmarans toer
nou saam met Bok van Blerk. NKD gaan egter voorbestaan en die NKD staan nou
vir Never Kill a Dream. Nicky is vervang met n pragtige nuwe meisie met die
naam van Lausanne Wijnberg.

Morne Steyn se troufotos het n toutrekkery tussen Huisgenoot en Finesse.
Morne het aan Huisgenoot die eksklusiwe fotos belowe maar intussen het vrou
Christelle die fotos aan Finesse gegee wat dit op hul webtuise geplaas het.
Volgens Huisgenoot se kontrak mag daar geen fotos gepubliseer word vir tien
dae na Huisgenoot se publikasie nie. Huisgenoot eis dat Finesse onmiddellik
die foto’s van die webwerf verwyder of anders ’n dagvaarding om
skadevergoeding kan verwag. Vanessa Schoeman, redakteur van Finesse, het
gister gesê die troufoto’s sal nie van die webwerf verwyder word nie.
“Ons het in ons uitgawe wat tans in winkels is, onderneem om die foto’s
op ons webwerf te plaas en dit sal daar bly totdat ons nuwe uitgawe
verskyn.” Theron het bevestig Huisgenoot nie stappe teen die Steyns gaan
neem nie.

Minki en Constant Visser is besig om te skei en dit lyk of dit nie n vriendelike skeiding gaan wees nie. Dit het so lelik geraak al dat Constant se prokureur Minki verbied het om enige inligting aan die media te verskaf.

Gerhard Steyn se klankman is die afgelope week van sy klanktoerusting beroof. Juan du Plessis het na Gerhard Steyn opgetree het by Firkin in Boksburg huis toe gery omtrent 3:30 die oggend toe sy motor onklaar raak. Terwyl hy besig was om na sy motor om te sien, is hy beroof van hul klanktoerusting.

Kollig 1 Nov plus Kollig Ekstra November 1, 2009

Naas Botha was die week twee keer in die nuus. Eers het n prosituut se 27
jarige seun, Morne Redmond beweer Naas is sy pa. Naas en die man se ma
ontken dat hul ooit n verhouding gehad het maar na die tweede keer se
navraag het sy wel erken dat sy en Naas een keer saam geslaap het. Die ma
se vriendinne het egter almal bevestig dat sy Morne van geboorte af al
vertel het dat Naas sy pa is en hulle het ook daarvan geweet. Naas het dit
afgemaak as “far fetched” veral toe hy hoor dit is n bruin vrou. Morne
het DNS toetse aangevra.

Intussen is die saak tussen Naas en sy vervreemde seun in die onderhoudshof
in Pretoria tot volgende jaar uitgestel. Francois Jooste wat 21 is, eis
onderhoud vir sy klasgeld en lewenskoste. Naas het aan die seun onderhoud
betaal tot hy 18 geword het. Francios en sy ma het na die VSA verhuis maar
is nou terug in SA en hy studier rekenaarsingenieurswese. Volgens Francios
is sy ma medies ongeskik en bestee haar pensioen om hom deur universiteit
te kry op die oomblik.
—————–
Amor Vittone het n eis van R1 mil ingestel teen Yolanda Barnard, Griffel
Media, die koerant Sondag en die verspreider Exclusive Books.. Dit gaan oor
Yolanda in haar boek, Die Ponies Galop, verwys het na Amor as “die vrou
poep soos n perd as sy senuweeagtig is”. Amor voel uiters beledig deur
die opmerking wat ook in die Sondag koerant gepubliseer is. Dit laat my so
dink aan een van Leon Schuster se flieks. Die skydsregter vertel vir die
speler, boeta jy kan nie pale toe skop vir n poep nie. Wel Amor, volgens my
gaan mens ook nie hof toe oor n poep nie! Veral nie as jy self dit op n
vorige geleentheid op tv gese het nie.

Ook Urma Mollema, die direkteur van Mev Suid Afrika het n R250 000 eis teen
al die partye behalwe die Sondag koerant ook ingesit. Haar maatskappy het
ook n R250 000 eis ingestel. Urma verlang n publieke verskoning omdat
Yolanda in haar boek na haar verwys as: “Haar oë is piepklein. Sit ook
heeltemal te naby aan mekaar. My ouma het altyd gesê: ‘As ’n mens se
oë naby aan mekaar sit moet jy hom of haar nie vertrou nie..” Volgens
Mollema impliseer dit dat sy fisiek onaantreklik, onbetroubaar en oneerlik
is.

Yolanda het gesê sy sal in vandag se Sondag koerant daarop kommentaar
lewer.

Intussen het Steve Hofmeyr ook op sy blog laat weet dat hy ook Yolanda
dagvaar. Ek weet nie hoe ver hy gaan kom nie, aangesien hy in dieselfde
blog na haar verwys as – kom ons sê maar n vroulike hond…. Dis behalwe
al die ander goed wat hy van haar kwyt raak.
—————–

Emo Adams se voormalige bestuurder Mia Breet het n saak teen hom aanhandig
gemaak. Sy vra dat Emo belet word om vir eie gewin op te tree totdat hy sy
lidmaatskap aan hul gesamentlike beslote korporasie, D’Six Entertainment,
beëindig.

Breet en Adams het die korporasie in 2006 gestig en Breet het as onder meer
Adams se bestuurder, bemarker en agent opgetree.D’Six was daarop
toegespits om Emo as solokunstenaar te vestig. Sy het optredes en die
vervaardiging van CD’s, DVD’s en die program Jou Show met Emo vir
kykNET behartig.
Hul verhouding het begin versier volgens Mia omdat Emo nie meer energie
ingesit het in die korporasie nie en wou ook nie sy samewerking gee met die
pligte van die Jou Show met Emo nie. As gevolg van dit is episodes 13 tot
26 van die program gekanseleer. Emo het op 22 Junie bedank uit D’Six maar
nie sy lidmaatskap beeindig nie. Daar is ook onder andere n eis teen hom
ingedien oor geld wat hy die korporasie skuld. Emo het terug gekap met n
mediaverklaring wat lui: Emo Adams gee die feite. Volgens hom teken D’Six
nogsteeds kontrakte vir optredes sonder sy toestemming. En skuld hulle hom
geld.

——————

Jurie Els sal waarskynlik toegang tot Robbie Klay se dagboeke kan kry vir
Els se strafsaak, wat Maandag in die hooggeregshof in Pretoria begin.
Waarnemende regter Willie van Zyl het gesê hy sien geen rede waarom die
Els nie Klay se boeke kan sien nie, op voorwaarde dat dit onder die staat
se toesig geskied.
Jurie het gevra dat polisie-aantekeninge oor onderhoude met Robbie, die
polisie se ondersoekdagboek en toegang tot die rekenaar waarop dokumente
geskep is om te sien of dit inderdaad die oorspronklike dokumente is, aan
hom verskaf word.
Sy prokureur het gesê Jurie het die reg “om beter te weet wat die staat
se saak is”, aangesien Robbie se storie nie spesifiek is nie en kort kort
verander.

Jurie se vrou, Hestrie het intussen vrede gemaak met haar ouers na 3 jaar
se kwaaivriendskap.
——–

Charlize Theron is in die moeilikheid. Sy het by n veiling vir die
noodlenigingsorganisasie ONEXONE n paar goed opgeveil. Onder andere n
oopmond soen en n ontmoeting met Nelson Mandela. n Vrou het dit gewen met n
bie van net oor die R1 mil en die twee het oopmond voor die hele gehoor
gesoen. Nou lyk dit op dit alles verniet was, want Mandela het nie
toestemming gegee dat so iets opgebie word nie. Hy weet nie daarvan dat n
besoek aan hom deel van die pakket was nie. Charlize het intussen erken dat
sy nie toestemming gekry het nie.

—————

Drie Oos-Kaapse kunstenaars het ‘n groot eer te beurt geval. Hulle musiek
is opgeneem op een van die baanbrekeralbums wat pas vrygestel is.

Die bekende Stef Kruger het n dubbelalbum vrygestel met die naam DIGTERS
AKKOORDE. Op hierdie album sing al die groot name in Suid-Afrika liedjies
van Stef Kruger. Kunstenaars wat daarop sing is onder andere Dozi, Amanda
Strydom, Blackie Swart, Mathys Roets, Bobby van Jaarsveld, Nadine, Anton
Goosen, Coenie de Villiers, Elizma Theron, Jannie Moolman, Fredi Nest en
Lucas Maree.

Drie Oos-Kaapse kunstenaars Carina Renz, ELSaBé Rademeyer en Siklus! het
die eer te beurt geval dat daar ook Stef Krugerliedjies deur hulle op
hierdie album ingesluit is. Carina sing die liedjie KUIERGAS, ELSaBé sing
SOMER en Siklus! sing PUNT. Die album al vanaf 11 November beskikbaar

Ek het te veel nuus die week. So ek sluit af met Joost. Hy het uiteindelik
erken dat dit hy was in die berigte video. Hy se dit het te vinnig op hom
afgekom en hy was bang hy verloor sy kinders en vrou. Nou het hy egter in
sy boek erken dat dit wel hy is. Kan iemand “goeie reklame” gil vir my
asb. Want nou gaan almal uithardloop en die boek “Joost –
spieelbeeld” koop. Hy het seker die geld nodig, want hy is amptelik sy
werk by Supersport kwyt nou.

Verjaarsdae vir die week.
1ste – Anrich Herbst, Melanie du Bois, Gary Player, Marius Erasmus
3de – Christi Panagio, Tobie Cronjé
4de – Sashi Naidoo
6de – George Meiring

KOLLIG EKSTRA

Irene van Wyk se as is die week oor die Natalse oseaan gestrooi. Louis van
Wyk en hul twee kinders Irene Louise en Vaughn is na Margate om vir oulaas
afskeid te neem van hul ma. Louis het aan vriende n sms gestuur dat hul nou
die as gaan strooi en almal het n minuut se stilte vir haar gehou. n
Huldeblyk aan Irene sal hierdie week op die rakke beskikbaar wees. Onder
andere n lied wat sy 3 dae voor haar dood opgeneem het.

SA se eie Madonna is wat Sunette Bridges genoem word na haar nuwe cd, Let
the Music Play, se bekendstelling verlede week by Emperors Palace. Dit het
behoorlik soos n Las Vegas produksie gelyk vertel die wat daar was. Daar
was dansers in waaghalsige pakkies en Sunette het n nommertjie aan gehad
wat die mans se monde laat oop hang het. Dit het baie laat dink aan Madonne
se bekende wit bra pakkie wat sy op die verhoog verskyn het n paar jaar
gelede. Maar volgens die wat weet, het Sunette nog beter gelyk en haar
pakkie was silwer.

Vonk toekennings – Kleredrag Oktober 28, 2009

Die fotograaf Gideon van Zyl het die pragtigste fotos geneem by die jaar se Vonk toekennings.

Almal was daar en toe dink ek om n paar kommentaar stukkies te lewer oor die kleredrag.

My Bes gekleede top meisies is:

Gerhard Steyn se metgesel. Sy het pragtig gelyk met n pragtige lyf
Nicolas Louw se meisie het soos gewoonlik pragtig gelyk
Natasha Jouber se rok was asemrowend
Jennifer Zamudio is volgense my n baie naby 2de plek
Karlien Husselman het so mooi gelyk, ek het haar amper nie erken nie

Maar beslis die mooiste rok en die een wat dit met die meeste pizzaz gedra het – Dunay – Kurt Darren se verloofde.

Die wat die “minste goed gelyk het” was:

Nadine – Daai rok is darem net te gewaagd vir my
Hanna Grobler – Ek weet nie, dit lyk nie “eg” nie
Liane May se onderklere het gewys. OOPS
Maar die wenner van die aand was beslis Nadine en Nicole Houlson. OH MY WORD, what where they thinking!

Die “bad hairday” toekenning gaan aan Hein Kruger en sy vriend. Dit was WOES in hoofletters.

Die bes klede mans:

Rapie Knapie het baie snazzy gelyk hoor!
Izak Davel
Gavin Prins
Lieb Bester – vir sy ouderdom! Hy slaan nog steeds my asem weg!
Romanz se manne soos gewoonlik.
Maar die wenner is beslis Bobby van Jaarsveld!

Die “worst dressed man” gaan aan

John Henry Opperman wat in n themp opgedaag het.
Johrne was soos gewoonlik “vreemd” aangetrek.
Dewald Wasserval se rooi das het dit ook nie vir my gedoen nie, alhoewel hy sexy is in alles wat hy dra.

Kollig en Kollig EKSTRA 25 Oktober Oktober 25, 2009

Kurt Darren se verloofde, Dunay Nortje moes Kurt se persoonlike assistent
nader trek om Kurt se dagboek deur te gaan op hoop vir n oop naweek
volgende jaar sodat hulle kan trou. Behalwe vir 3 naweke, is Kurt reeds
elke naweek vol geboek vir volgende jaar. Gelukkig vir Dunay is twee van
die naweke na mekaar in Oktober, so hulle trou in Oktober volgende jaar.

—————-
Morne Steyn en sy
skoonheidsterapeut verloofde, Christelle van Zyl. is Dinsdag getroud. Baie geluk aan die paartjie

___________——

Skouspel organiseerders het hierdie jaar iets besonders begin by Sun City.
Elke kunstenaar se hande is in sement gedruk voor die eerste vertoning en
elkeen het n boom geplant buite die Vacation Club. Elkeen se handafdruk
gaan langs sy boom gele word om Skouspel en Sun City se eie buitelug
heldegalery te vorm.

————————

Nadine se nuutste cd doen so goed oorsee dat hy in Nieu-Seeland bekend
gestel word. Dis haar Engelse cd, This Time I Know. Sy gaan ook toer in
Nieu-Seeland met 9 vertonings reeds geskeduleer.

——————————

Ons het n nuwe sangsensasie. Jean (Spreek uit Juan) Botha het die Super
Sangers van die Boardwalk gewen en R5000 kontant in sy sak gesteek. Hy het
ook naweek vir twee by Fish River Sun plus nog n klomp ander pryse gewen,
insluitend n optrede by die jaar se Burger Opskop. Baie geluk aan Jean.

—————————–

Theuns en Elizma is ampetlik n paartjie. Elizma moes die naweek in PE wees om by die Fees van Kunstenaars op te tree. Theuns het haar toe PE toe gebring met sy motor, aangesien hy n af naweek gehad het. Die twee is so verlief, dis n pragtige ding om te sien. Theuns het van die verhoog af, n lied aan “sy meisie” opgedra nadat hy n “verrassing vertoning” gebring het. Na die lied, het hy na haar gewys en vir haar gese hy is lief vir haar. Hulle het ook agter die verhoog gestaan en soen, skoon in n wereld van hul eie.

Kollig Ekstra:

Bietjie Boer soek n vrou nuus is dat Flip amptelike aan sy Wenda verloof
geraak het. Sy het die ring n ruk in haar handsak gedra want hy was bang hy
raak weg. Hy het toe gewag tot die regte tyd om haar te vra.

———————

Adam van Romanz moes sy optrede by die Fees van die Kunstenaars kanseleer omdat hy in die hospitaal opgeneem is. Hy is gister ontslaan. Die ander drie mans van Romanz het aangegaan met die vertoning en gese hy voel baie beter. Hulle het egter nie gese wat fout is met hom nie.

Resensie – Kouevuur, Theuns Jordaan Oktober 18, 2009

Kouevuur het ek op die radio gehoor, beslis mooi. Op die pad na Nooitgedacht saam met Robbie Wessels het ek ook gehoor. Altwee baie goed so die volgende logiese stap was om Theuns Jordaan se Kouevuur te koop.

Ek hou van Theuns se stem, alhoewel ek al baie keer gekla het dat ek nie n volle vertoning van hom sal kan kyk nie. Dis net te “rustig” na my sin. Ek was nog altyd n Koos du Plessis aanhanger ook so ek het besluit ons koop hom en luister hom. As hy nie die moeite werd is om heeltemal deur te luister nie, sal ek hom vir skoonma vir kersfees gee. So ek is beslis veilig.

Die eerste lied op die cd is Kouevuur wat ek baie van hou. Theuns se diep stem doen iets vir daai lied. Volgende is Kinders van die Wind. Hieroor was ek maar bietjies skepties voor die tyd, want ek weet darem nie of iemand dit ooit beter as Laurika kan doen nie. Maar beslis hy doen dit fantasties. Ek sal nooit erken dat dit net so goed soos Laurika sin is nie, maar nader aan perfek kan jy nie kry nie.

Die ander liedere is almal op top standard. Soveel so dat ek heeltemal vergeet het dat ek oppad werk toe was en halfpad aangetrek op die bed gaan sit het, oë toe, in vervoering.

Groet sonder Woorde is ek letterlik “sonder woorde” oor.

Hierdie cd sal ek beslis aanbeveel vir enigiemand wat hou van diep musiek. My vriendin wat van “doef doef” musiek hou het gekla dit maak haar depresief. Ek moet erken dit het my ook tot trane gedryf, maar bloot oor die feit dat dit so mooi is dat die emosies nie beheer kon word.

Skoonma sal wel n Kouevuur kry, maar beslis nie myne nie!

Kollig 18 Oktober Oktober 18, 2009

Ons val sommer weg met Theuns en Elizma Theron. Die feit dat hulle n
paartjie is kan hulle nou nie meer ontken nie. Hulle was verlede week
afgeneem waar hulle meer as vriendelik was met mekaar. Elizma se arms om
Theuns se lyf. Hulle noem mekaar “Liefie” en kan nie hul oë van mekaar
af hou nie. Ek hoop regtig hierdie keer hou hul verhouding hulle is
stunning saam.

Die twee speel ook saam die hoofrolle in n nuwe fliek. Dis n romantiese
komedie, Jakkalsdans uit die pen van Deon Meyer

—————

Het jy geweet: Casper de Vries het nie n motor lisensie nie. Volgens hom
was hy nog altyd te besig om een te kry.

——————

Mathys Roets het die afgelope week die volgende van hom laat hoor: “Soms
wens ek net mense verstaan die verskil tussen rolstoel-vriendelik en
heeltemal onafhanklik as dit by reis en verblyf kom. In die laaste 2 maande
kon ek nog net by 2 of 3 plekke 100% regkom met die fasiliteite. Suid
Afrika het ‘n baie lang pad om te loop, maar mense probeer regtig hard. Ek
sal dit my missie maak om mense in te lig en nie te kritiseer nie.”
So hy is van plan om sy stem en bekendheid te gebruik om die lewe vir alle
rolstoel verbruikers gemakliker te maak.

——————–

Margit Meyer-Rödenbeck of Dowwe Dolla het by Sun City met n dief kennis
gemaak. n Bobbejaan het by hul kamer ingeloop. Haar man Jurg het hom prober
verjaag maar meneer bobbejaan het rustig tot by die babasak geloop en baba
Luca se wet wipes gegaps. Hy het daarna die hasepad gekies. Margit het
gegiggel dat daar nou iewers in die Pilanesberg n baie skoon bobbejaan
rondloop.

——————

Jak de Priester raak Januarie pa vir die wat nog nie weet nie. Dis n
seuntjie en sy naam gaan Jamie wees. So die baba se amptelike naam gaan Jamie Papenfus wees, want Jak se regte naam is Jaco Papenfus.

———————

Ons sluit af met n hartseer storie. n Vriendin van my, die gewilde sangeres
Irene van Wyk is die week oorlede in n motor ongeluk. Van ons kant af wil
ons net vir haar familie en vriende sterkte toewens.

——————–

Verjaarsdae die week:

Verjaarsdae

18de – Eon de Vos

18de – Hein Herselman

19de – Gerrie Pretorius

22ste – Bianca le Grange

————

Lees my onderhoud met Desmond Wells op n aparte inskrywing.

Onderhoud met Desmond Wells Oktober 18, 2009

Ek kan dit nie glo nie. Hy het ingestem om met my te praat. Ek bel, stel dit al vir dae uit, van skone senuwees. Gister het ek met hom gemail en gesê ek gaan hom na 9 bel. So ek probeer nie dink aan wat ek doen nie, en soek sy nommer op my selfoon. Druk die groen knoppie en laat die foon lui. Het my vraelys byderhand. Dit lui en lui. Dalk moet ek maar eerder neersit. Nee wag, hy tel op! Dit dring deur tot my: Ek het met Desmond Wells n eksklusiewe onderhoud oor sy verlowing aan die pragtige Esmarie Burger. Wat n voorreg om met so n man n onderhoud te voer.

Dit het nie n minuut gevat nie, toe gesels ons soos ou vriende. So plat op die aarde het ek lanklaas gesien.

Ek het hom 8 vrae gevra wat almal wil weet.

1. Waar het julle mekaar ontmoet?

Desmond was n beoordeelaar by n talent
kompetisie en die vrou wat sy backing vocals doen het hom daar voorgestel
aan haar vriendin, Esmarie

2. Hoe lank is julle al saam?

Die 18de Oktober sal dit al 2 jaar wees.

3. Hoe het jy haar die groot vraag gevra?

Hy het na n vertoning by die Boer
in Durbanville vir haar op die verhoog genooi en n groot pienk en polkadot
boks so groot soos n koekblik vir haar oorhanding kamma om dankie te sê
vir alles wat sy vir hom doen. Die skare het almal geraai wat daaraan is.
Van tjoklits tot geld was die raaiskote, maar hy het die ring met wondergom
in die middle van die boks vas gedruk. Sy het gelukkig ja gesê en in trane
uitgebars.

4. Jy is n gewilde sanger waaroor die meisies gaande is, wat maak haar so spesiaal?

Hulle het van die eerste dag af net “gekliek”. Hulle hou van
dieselfde dinge, het dieselfde waardes, gaan saam kerk toe, speel saam
tennis. Sy is ook gek oor musiek en speel self klavier, so hulle het baie
in gemeen.

5. Hoe hanteer sy al die aandag wat jy kry?

Aan die begin was dit moeilik
maar na 2 jaar is sy gewoon daaraan en is glad nie gepla daaroor nie.
Gelukkig is sy aanhangers baie ordentlik en dring hul nie hulself op aan
hom nie en weet hy het n verloofde. Sy besef dit is sy werk en moes daarmee
vrede maak.

6. Wanneer is die groot datum?

Hulle het nog nie op n datum besluit nie,
maar dit sal heel moontlik volgende jaar wees.

7. Gaan julle n groot of intieme troue he?

Hulle het besluit om dit klein
en intiem te hou. Daar sal seker so 100 familie en naby vriende wees. Hy
voel dit gaan nie oor die glamour nie, dis nie skouspel nie, dit gaan oor
hul belofte aan mekaar. Onlangs was hy by n vriend se troue wat hom R100
000 gekos het en die mense aan die tafel het nog steeds geskinder oor dit.
So hy gaan nie dieselfde paadjie stap nie.

8. Gaan julle sponsors kry vir die troue?

Nee, hy glo n troue is n spesiale
geleentheid en dit is nie te koop nie. Hy het niks teen mense wat dit doen
nie maar hy voel hy wil dit self betaal en trots wees op hul troue.

Toe ek die foon neersit na meer as 15 minute voel dit of ek met n ou vriend n baie lekker kuier gehad het. Ek glo Desmond en Esmarie gaan n baie lang en gelukkig huwelik he.